Kiyevdə matəm elan edildi

Kiyevdə iyunun 17-də Rusiyanın kütləvi hücumu nəticəsində həlak olanların xatirəsinə iyunun 18-də matəm elan edilib.

Sfera.az xəbər verir ki, bu barədə Kiyev meri Vitali Kliçko özünün Teleqram kanalında məlumat verib.

“Həmin gün şəhərdəki bütün bələdiyyə binalarında bayraqlar endiriləcək. Həmçinin dövlət və özəl binalarda da dövlət bayraqlarının endirilməsi tövsiyə olunur. Həmçinin iyunun 18-də şəhərdə hər hansı əyləncə tədbirlərinin keçirilməsi də qadağan olunacaq”, - Kliçko bildirib.

Qeyd edək ki, iyunun 17-nə keçən gecə Rusiya PUA və raketlərlə Kiyevə kütləvi hücum həyata keçirib.