1a:T7e4,

Çinin Fudan Universitetinin tədqiqat qrupu tibb sahəsində böyük elmi irəliləyişə imza atıb.

Sfera.az türk mediasına istinadən xəbər verir ki, onlar tellur adlı nadir mineral əsasında korluğun müalicəsində istifadə edilə biləcək süni tor qişa hazırlayıblar. Bu yenilik yalnız görmə qabiliyyətini bərpa etmir, həm də orqanizmin təbii imkanlarını aşaraq “super görmə” funksiyası qazandırır.

“Science” jurnalında dərc olunan araşdırma süni tor qişanın hazırlanmasında platin kimi nadir element sayılan tellurdan istifadə olunduğunu göstərir. Tellurun unikal fotoelektrik xüsusiyyətləri sayəsində bu nanotel implantları görünən işığı və infraqırmızı şüaları heç bir əlavə qurğuya ehtiyac olmadan birbaşa elektrik siqnallarına çevirə bilir.

Bu texnologiya genetik olaraq kor edilmiş siçanlar və meymunlar üzərində sınaqdan keçirilib və zədələnmiş fotoreseptor hüceyrələri uğurla əvəzləyərək görmə qabiliyyətini bərpa edib. Ən diqqətçəkən nəticə isə implant yerləşdirilmiş kor siçanların normal siçanlardan daha yaxşı performans göstərməsi və infraqırmızı işığı da görə bilməsi olub. Mütəxəssislər bildirirlər ki, bu süni tor qişa təkcə korluğun müalicəsində deyil, eyni zamanda insan görmə imkanlarını genişləndirməkdə də mühüm rol oynaya bilər. Gələcəkdə bu texnologiyanın insanlara tətbiqi ilə həm görmə itkisinin qarşısı alınacaq, həm də texnologiya dəstəyi ilə yeni bir görmə erası başlaya bilər. Tədqiqat qrupu bu ixtiranın tibbdə və nevrologiyada geniş tətbiq sahələrinə yol açacağını və insan həyat keyfiyyətində ciddi dəyişikliklər yaradacağını vurğulayır.

Fidan Hacızadə

Sfera.az

4:[["$","script",nul

Korluğun əlacı tapıldı - Çindən KƏŞF