Putin bu sənədi təsdiqlədi - 2050-ci ilədək...
Rusiya Prezidenti Vladimir Putin ölkənin Hərbi Dəniz Qüvvələrinin 2050-ci ilə qədər olan dövr üçün inkişaf strategiyasını təsdiqləyib.
Sfera.az “TASS” agentliyinə istinadən xəbər verir ki, bu barədə Dənizçilik Şurasının rəhbəri, vitse-prezident Nikolay Patruşev məlumat verib. Patruşev bildirib ki, strategiyanın yekun layihəsi baxılması üçün dövlət başçısına təqdim edilib və Putin onu mayın 30-da imzalayıb.
Qeyd edək ki, sənədin hazırlanması ilə bağlı qərar 2024-cü ilin iyulunda Kreml iclasında qəbul olunub. Patruşevin sözlərinə görə, prezidentin tapşırığına əsasən, Müdafiə Nazirliyi müvafiq federal qurum və təşkilatların təkliflərini nəzərə alaraq strategiya layihəsini hazırlayıb və Dənizçilik Şurası tərəfindən yekunlaşdırılıb.
Fidan Hacızadə
Sfera.az
