"Putin ABŞ-İran danışıqlarında vasitəçi ola bilər" - Peskov

“Rusiya Prezidenti Vladimir Putin lazım gəldikdə İranın nüvə proqramı üzrə İran-ABŞ danışıqlarına qoşulmağa hazır olacaq”.

Sfera.az Rusiya mediasına istinadən xəbər verir ki, bu barədə Putinin mətbuat katibi Dmitri Peskov bildirib.

"Bu danışıqlar lazım olduqda yaxın günlərdə baş verən bir prosesdir. Bilirsiniz ki, həm Tehran, həm də Vaşinqtonla dialoqumuz müxtəlif kanallar vasitəsilə davam edir. Ona görə də, lazım gəldikdə, Rusiya tərəfi də işə qarışa biləcək", - o, brifinqdə deyib.

“Bizim Tehranla sıx tərəfdaşlıq münasibətlərimiz var və təbii ki, prezident Putin bildirib ki, biz İranın nüvə proqramı probleminin həlli üçün gedən danışıqları asanlaşdırmaq və ona töhfə vermək üçün Tehranla bu səviyyədə tərəfdaşlıqdan istifadə etməyə hazırıq”, - Peskov dövlət başçısı ilə ABŞ prezidenti arasında dünənki söhbəti də şərh edərkən deyib.

Fidan Hacızadə
Sfera.az