"Trampın səbri tükəndi"

“ABŞ Prezidenti Donald Trampın Ukrayna böhranına dözmək gücü yoxdur”.

Sfera.az xarici mediaya istinadən xəbər verir ki, bu sözləri ABŞ-nin Ankaradakı səfiri Tomas Barak bildirib.

"Prezidentin səbri tükəndi. Deməzsiniz ki, o, çox səbirli adamdır", - o qeyd edib.

Diplomat Türkiyənin böhranın həllində "əsas rol oynadığını" qeyd edərək, həm Rusiya, həm də Ukrayna ilə ənənəvi əlaqələrini xatırladıb. Səfir təklif edib ki, Türkiyə problemi həll etmək üçün “liderlərin yüksək səviyyəli zirvəsi”nə kömək edə bilər.

Xatırladaq ki, iyunun 2-də İstanbulda Rusiya və Ukrayna nümayəndə heyətlərinin ikinci görüşü baş tutub. Türkiyə Prezidenti Rəcəb Tayyib Ərdoğan Türkiyə tərəfinin Tramp, Rusiya Prezidenti Vladimir Putin və Ukrayna Prezidenti Volodimir Zelenski arasında İstanbulda və ya Ankarada görüş təşkil edə biləcəyinə ümid etdiyini bildirib.
 

Fidan Hacızadə
Sfera.az