ABŞ idarəetmədə islahatlar aparacaq
Amerikalı milyarder İlon Mask ABŞ Prezidenti Donald Trampın idarəçiliyi altında rəsmi olmayan müşavir kimi fəaliyyətini davam etdirəcək.
Sfera.az bu barədə “ABC News” nəşrinə istinadən xəbər verir.
Məlumata görə, Mask yaxın zamanda Ağ Evdə keçiriləcək iclaslarda da iştirak edəcək.
Mənbələr bildirir ki, Mask və Tramp yaxşı münasibətlərlə ayrılıb və əməkdaşlıqları davam edir.
Bununla belə, Ağ Evdəki yüksək vəzifəli rəsmilər, Trampın “böyük və gözəl bir qanun layihəsi” adlandırdığı büdcə sənədini Maskın tənqid etməsindən və onun ABŞ Dövlət İdarəçiliyi Səmərəliliyi Departamentinin (DOGE) rəhbərliyindən istefa verməsindən narahatlıq bildiriblər.
Xatırladaq ki, Mask bu qərarını büdcə layihəsinin xərcləri artırdığını və DOGE-un təşəbbüslərini baltaladığını bildirərək açıqlamışdı.
Qeyd edək ki, Elon Mask Trampın yeni büdcə layihəsini kəskin tənqid etdikdən sonra istefa qərarını açıqlamışdı.
O, CBS telekanalına verdiyi müsahibədə layihənin DOGE-un xərcləri azaltmaq məqsədilə gördüyü işlərə zərər vurduğunu və ABŞ büdcəsindəki açığı daha da dərinləşdirdiyini bildirmişdi.
Fidan Hacızadə
Sfera.az
