Ərdoğan: "Bu qərar tarixi əhəmiyyət daşıyır"
Türkiyə Prezidenti Rəcəb Tayyib Ərdoğan ABŞ-nin Suriyaya qarşı sanksiyalarını ləğv etməsinin tarixi əhəmiyyətindən danışıb.
Sfera.az bu barədə Daily Sabah nəşrinə istinadən xəbər verir.
"ABŞ-nin Suriyaya qarşı sanksiyaları ləğv etmək qərarı tarixi əhəmiyyət kəsb edir. Bu, digər ölkələr üçün nümunə olacaq", - Ərdoğan ABŞ və Suriya prezidentləri Donald Tramp və Əhməd əl-Şara və Səudiyyə Ərəbistanının vəliəhd şahzadəsi Məhəmməd bin Salmanla danışıqlar zamanı deyib.
Danışıqlara videokonfrans vasitəsilə qatılan Ərdoğan Türkiyənin Suriyanın terror qruplaşmalarına qarşı mübarizəsində dəstək verməyə hazır olduğunu da bildirib.
Bundan əvvəl Tramp Suriyaya qarşı sanksiyaları ləğv etmək niyyətini açıqlamışdı.
O qeyd edib ki, Vaşinqton artıq Suriya ilə münasibətləri normallaşdırmaq üçün addımlar atır və bu həftənin sonunda ABŞ dövlət katibi Marko Rubio Türkiyədə Suriya Xarici İşlər Nazirliyinin rəhbəri ilə görüş keçirəcək.
Fidan Hacızadə
Sfera.az
