"Hamı bunun dayanmasını istəyir" - Tramp

"ABŞ Rusiya və Ukrayna arasında sülh razılaşmasına gətirib çıxaracaq davamlı atəşkəs yaratmaq üçün Avropa ilə birgə çalışacaq".
 

Sfera.az xəbər verir ki, bunu ABŞ Prezidenti Donald Tramp “Truth” sosial şəbəkəsindəki paylaşımında bildirib.

"Minlərlə gənc əsgər hər həftə ölür və hamı bunun dayanmasını istəyir",- prezident deyib. 

"Prezident kimi mən avropalılarla birlikdə Rusiya və Ukrayna arasında sülhün təmin edilməsinə sadiq qalacağam və bu, qalıcı sülh olacaq! Bu atəşkəs son nəticədə Sülh Müqaviləsinə doğru qurulmalıdır. Hər şeyi çox tez etmək olar və xidmətlərimə ehtiyac olarsa, dərhal hazır olacağam", - o əlavə edib.

Fidan Hacızadə
Sfera.az