Putin: "ŞƏT-in sammitində iştirak edəcəm"

Rusiya Prezidenti Vladimir Putin Şanxay Əməkdaşlıq Təşkilatının (ŞƏT) bu ilin sentyabrında keçiriləcək sammitində iştirak etməyə hazır olduğunu bəyan edib. 

Sfera.az “İnterfaks”a istinadən xəbər verir ki, bu barədə o,Rusiya-Çin danışıqlarının yekunlarına dair jurnalistlərə açıqlama verib.

“Rusiya Çinin ŞƏT-də sədrliyinin prioritetlərini dəstəkləyir və biz bu ilin sentyabrında Tyantszində keçiriləcək sammitdə iştirakdan məmnun qalacağıq”, – Putin bildirib.

O, həmçinin qeyd edib ki, Rusiya və Çin Asiya-Sakit Okean İqtisadi Əməkdaşlıq Forumu, G20, Ümumdünya Ticarət Təşkilatı (ÜTT), Beynəlxalq Valyuta Fondu (BVF) və Dünya Bankı kimi çoxtərəfli platformalarda mövqelərini sıx əlaqələndirməyə davam edəcəklər.

Putin əlavə edib ki, Moskva və Pekin Avrasiya İqtisadi Birliyi çərçivəsində inteqrasiya proseslərini və Çinin “Bir kəmər, bir yol” təşəbbüsünü geniş Avrasiya tərəfdaşlığı perspektivində birləşdirmək istiqamətində səylərini davam etdirəcək.

Fidan Hacızadə
Sfera.az