Rusiyada güclü zəlzələ oldu

Rusiyanın Kamçatka diyarında 5,1 maqnitudalı zəlzələ qeydə alınıb.

Sfera.az xəbər verir ki, bu barədə regionun Fövqəladə Hallar Nazirliyinin mətbuat xidməti məlumat yayıb.

Bildirilib ki, yeraltı təkanlar Avaça körfəzi akvatoriyasında, 58 kilometr dərinlikdə baş verib. Zəlzələnin episentri Petropavlovsk-Kamçatski şəhərinə yaxın ərazidə yerləşib.

Yeraltı təkanlar şəhərin bəzi hissələrində 3 bala qədər intensivliklə hiss olunub.

İlkin məlumatlara əsasən, hadisə nəticəsində dağıntı və ya xəsarət alanlar barədə məlumat daxil olmayıb.