ABŞ Qırmızı dənizdə daha bir təyyarəsini itirib
ABŞ Hərbi Dəniz Qüvvələrinə məxsus daha bir “F/A-18 Super Hornet” tipli döyüş təyyarəsi Qırmızı dənizdə düşüb. Təyyarə "USS Harry S. Truman" təyyarədaşıyan gəmisindən havaya qalxdıqdan sonra qəzaya uğrayıb.
Sfera.az xarici mediaya istinadən xəbər verir ki, təyyarə gəmi üzərinə eniş edərkən tutma kabelində texniki nasazlıq yaranıb.
Bu səbəbdən pilot və silah sistemləri zabiti katapultla təyyarəni tərk edib. Onlar xilasetmə helikopteri tərəfindən sağ-salamat xilas olunub. Təyyarənin qalıqları isə hələlik tapılmayıb.
Xatırladaq ki, ötən həftə də eyni gəmidən qalxan digər bir “F/A-18” təyyarəsi dənizə düşmüşdü. İlkin ehtimallara görə, həmin qəza gəminin Husilərin hücumundan yayınmaq üçün kəskin manevr etməsi nəticəsində baş verib. Beləliklə, ABŞ-nin ümumi itkisi 120 milyon dollara çatıb.
Bəsti Rəfizadə
Sfera.az
