"Moskva Kiyevdən rəsmi təşəbbüs almayıb" - Kreml

Moskva Kiyevdən təmas xətti boyunca 30 kilometrlik demilitarizasiya zonası yaradılması və 30 günlük atəşkəsə dair heç bir rəsmi təşəbbüs almayıb.

Sfera.az TASS nəşrinə istinadən xəbər verir ki, bu sözləri Rusiya Prezidenti Vladimir Putinin mətbuat katibi Dmitri Peskov ABŞ prezidentinin xüsusi nümayəndəsi Keyt Kelloqun açıqlamalarını şərh edərək bildirib. 

Peskovun sözlərinə görə, Ukrayna tərəfinin bu istiqamətdə addım atmağa hazır olması ilə bağlı indiyədək hər hansı bəyanat eşidilməyib.

Qeyd edək ki, ABŞ rəsmisi Keyt Kelloq bir qədər əvvəl Kiyevin 30 günlük atəşkəsə və 30 kilometrlik silahsızlaşdırılmış zona şərti ilə təmas xəttində hərbi əməliyyatları dondurmağa hazır olduğunu bəyan etmişdi.

Fidan Hacızadə
Sfera.az