Nyu-Cersidə məcburi təxliyə başladı

ABŞ-nin Nyu-Cersi ştatında dünən səhər saatlarında başlayan meşə yanğını ilə əlaqədar bəzi bölgələrdə məcburi təxliyələrə göstəriş verildiyi bildirilib.

Sfera.az xarici mediaya istinadən xəbər verir ki, Nyu-Cersi ştatının Ocean County-dəki Greenwood Forest Vəhşi Təbiət İdarəetmə Bölgəsində dünən səhər başlayan meşə yanğınının təxminən 8500 hektar əraziyə təsir etdiyi açıqlanıb. Nyu Cersi Yanğınsöndürmə İdarəsi yanğının yalnız 10 faizinin nəzarət altına alındığını bildirib.

Səlahiyyətlilər qeyd edib ki, ərazidəki 3 min nəfər təxliyə edilib və pilotsuz təyyarələrin uçmaması ilə bağlı xəbərdarlıq edilib. Yanğının başvermə səbəbləri araşdırılır.

Fidan Hacızadə