Fransa İranı məhkəməyə verəcək
Avropa İttifaqı İrana qarşı yeni sanksiyalar tətbiq etdiyi bir vaxtda Fransa xarici işlər naziri öz vətəndaşlarına bu ölkəyə səfər etməmələri barədə xəbərdarlıq edib.
Sfera.az xəbər verir ki, bu barədə Aİ Şurası bəyanat yayıb.
"Şura bugün İranda ciddi insan haqları pozuntularına görə məsul olan 7 şəxs və iki təşkilata qarşı məhdudlaşdırıcı tədbirlər tətbiq etmək qərarına gəlib. Aİ İranın Aİ vətəndaşlarını saxta əsaslarla əsassız olaraq həbs etməsindən dərin narahatdır ",-Aİ Şurasının bəyanatında deyilir.
Bu çərçivədə Fars əyalətindəki Şiraz Mərkəzi Həbsxanası, Şiraz İnqilab Məhkəməsinin Birinci Şöbəsi, Evin Həbsxanasının müdiri Fərzadi Hidayətullah, Fars zindanlarının Mühafizə və Kəşfiyyat İdarəsinin direktoru Mehdi Neməti, həmçinin beş ədliyyə üzvü sanksiya dairəsinə daxil edilib. Aİ-nin sanksiyasına həmin ərazilərə səyahət qadağaları, fiziki şəxslərin və ya təşkilatların aktivlərinin dondurulması və onlara pul köçürmələrinin qadağan edilməsi daxildir. Aİ İranda ümumilikdə 232 şəxs və 44 təşkilata qarşı sanksiya tətbiq edib.
Digər tərəfdən, Fransanın xarici işlər naziri Barrot sosial media hesabından İran rəsmilərinin iki Fransa vətəndaşının konsulluğa getməsinə icazə verməməsi səbəbilə ölkəsinin Beynəlxalq Ədalət Məhkəməsinə (ICJ) şikayət edəcəyini açıqlayıb.
“Fransa vətəndaşlarını İrana səfər etməməyə, İranda olanları isə mümkün qədər tez tərk etməyə çağırıram”, - nazir bildirib.
Firuzə Əliyeva
