Ukrayna ABŞ ilə danışıqlara başladı - Yeni silahlar alınacaq

Rəsmi Kiyev və Vaşinqton yeni silah təchizatlarını, o cümlədən “Patriot” raketlərinin alınmasını müzakirə edir. 

Sfera.az "Lenta.ru"ya istinadən xəbər verir ki, bu barədə Ukraynanın Prezident Ofisinin rəhbərinin müşaviri Mixail Podolyak məlumat verib. 

“Ən çox maraqlandığımız məsələ “Patriot” sistemləri üçün raketlərin alınmasıdır, çünki bu, əhalinin və kritik infrastrukturun müdafiəsi məsələsidir”, - deyən Podolyak digər silah növlərinin də vacib əhəmiyyət kəsb etdiyini söylədi:

“Bu razılaşmalar hazırda masadadır və müzakirə olunur. Mövcud hərbi yardımların əksəriyyəti tamamlanmaq üzrədir və Ukrayna ilə ABŞ-nin müzakirələrə başlamaqdan başqa yolu olmayacaq”. 

Xatırladaq ki, bir müddət əvvəl Pentaqon Ukraynaya bütün növ hərbi yardımların göndərilməsini dayandırdığını təsdiqləyib. Pentaqondakı mənbə əlavə edib ki, bu təchizat dayandırılmasına, artıq Ukraynaya doğru yola düşən silahlar da daxildir. 

Bəsti Rəfizadə