Putindən İlon Mask ilə əməkdaşlıq göstərişi
Rusiya Prezidenti Vladimir Putin “Qazprombank”-a ABŞ-lı milyarder və iş adamı İlon Mask ilə əməkdaşlıq etməyi tapşırıb.
Sfera.az xarici KİV-ə istinadən bildirir ki, Moskvanın ev sahibliyi etdiyi Gələcək Texnologiyalar Forumu çərçivəsində Qazprombank-ın vitse-prezidenti Dmitri Zauers ilə görüşən Putin, kosmik və raket texnologiyalarında istifadə olunan batareyaları araşdırıb. O, “Mask ilə gücləri birləşdirmək lazımdır” ifadəsini işlədərək, birgə əməkdaşlığın mümkünlüyünü vurğulayıb.
Putin çıxışı zamanı qeyd edib ki, Mask ABŞ-dakı yenidənqurma prosesindən sonra elmi araşdırmalara qayıdacaq və bu sahədə əməkdaşlıq üçün imkanlar mövcuddur.
“Onunla iş birliyi qurun. Biz artıq kosmosda əməkdaşlıq məsələsini müzakirə edirik”, – deyə Rusiya lideri əlavə edib.
Xatırladaq ki, İlon Mask Tesla, SpaceX və X-in sahibi olmaqla yanaşı, eyni zamanda ABŞ-ın Hökumət Effektivliyi Departamentinin (DOGE) rəhbəri vəzifəsini icra edir. “Qazprombank” isə ABŞ və Qərbin sanksiyalarına məruz qalan Rusiya bankları sırasında yer alır.
Müşahidəçilər hesab edirlər ki, bu addım Rusiyanın kosmik texnologiyalar sahəsində beynəlxalq əməkdaşlıq axtarışında olduğunu və bu məqsədlə İlon Mask ilə əlaqələr qurmaq istədiyini göstərir.
Altay
