Zelenski hakimiyyətdən gedir? - Səs toplanmadı...
Ukrayna Ali Radası bazar ertəsi Prezident Volodimir Zelenskinin yeni prezident seçilənə qədər hakimiyyətini davam etdirməsini təsdiq edən qətnaməni qəbul edə bilməyib.
Sfera.az xəbər verir ki, bunu ukraynalı deputat Yaroslav Jeleznyak “Telegram” hesabında bildirib.
Belə ki, Konstitusiyanın 108-ci maddəsinə istinad edərək hərbi vəziyyət şəraitində institusional davamlılığı vurğulamaq məqsədi daşıyan qətnamə tələb olunan 226 səsdən cəmi 218-ni toplaya bilib.
Qeyd edək ki, qətnamənin uğursuzluğu ABŞ ilə danışıqların kritik anına təsadüf edib. Keçən həftə Donald Tramp Zelenskini “diktator” kimi davranmaqda ittiham edib. Zelenski isə öz növbəsində bazar günü Kiyevin təhlükəsizlik zəmanəti alacağı təqdirdə istefaya getməyə hazır olduğunu bildirib.
Firuzə Əliyeva
