İranda "qanlı" daşqın baş verdi: Səbəb nədir?

İranda Hörmüz adasındakı çimərliyin sahili qan qırmızıya çevrilib. Bu rəngə güclü yağışlar səbəb olub.
 

Sfera.az bildirir ki, Hörmüz adasında qırmızı oksidli torpaqla zəngin “gelak” adlı dağ var. Bu qiymətli mineraldır. Yerli sakinlər yeməkdə ədviyyat kimi də istifadə edirlər.
 

Yağış mineralı sahilə və suya ataraq onların qırmızı rəngə çevrilməsinə səbəb olur. Bu rənglərə görə Hörmüz adasındakı çimərliyə “qanlı” deyirlər.
 

Hörmüz adası eyniadlı boğazın şimal hissəsində, sahildən 8 km aralıda yerləşir. İranın paytaxtı Tehrandan Hörmüzə qədər olan məsafə təxminən 1000 km-dir. Ada ovaldır və çox böyük deyil - təxminən 8 ilə 7 km arasındadır. Burada şirin su yoxdur, torpaq qayalı və duzla doymuşdur. Həm də demək olar ki, bitki örtüyü yoxdur.
 

Əvvəllər ada böyük strateji əhəmiyyətə malik idi - bu, dünyanın hər yerindən malların daşındığı əsas liman idi. Bir vaxtlar Hörmüz hətta ayrıca ərəb ticarət dövləti idi. Hazırda ada daha çox turistik məkan kimi tanınır. O, çimərlik tətillərini, suya dalış və unikal "yerdənkənar Mars" mənzərələrini sevənləri özünə cəlb edir.

Aynil