Teylor Svift fitə basıldı: Səbəb nə olub?
İctimaiyyətin pərəstişinə öyrəşmiş amerikalı məşhur müğənni Teylor Svift Nyu Orleandakı Caesars Superdome stadionunda sevgilisi Travis Kelceni dəstəkləməyə gələndə xoşagəlməz halla üzləşib. Müğənni qarşılaşdığı vəziyyət qarşısında təəccübünü gizlədə bilməyib.
Sfera.az bildirir ki, məşhur müğənni stadiona gələrkən böyük ekranda yaxın planda göstərildikdə, narazılıq fırtınası stadionu bürüyüb. Çox güman ki, bu, arenada daha çox “Philadelphia Eagles” azarkeşlərinin olması ilə izah edilə bilər.
Lakin digər komandanın azarkeşləri də onu bəyənməyib. Məsələ burasındadır ki, oyundan bir gün əvvəl o, sevgilisi Travislə fransız restoranına getmişdi. Hər hansı komanda qaydalarını pozduqlarına dair heç bir şey olmasa da, oyunçular ənənəvi olaraq böyük bir matçdan əvvəl görüşmürlər, çünki bu, uğursuzluq hesab olunur.
Teylor stadiondan belə bir reaksiya gözləmirdi və bir qədər məəttəl görünürdü.
Taylor bütün stadionda amansızcasına əks-səda verən fit səslərinə istehzalı bir nəzər salaraq, mətanətlə sakit dayanmaqla cavab verib.
Serena Uilliams rəfiqəsinin müdafiəsinə qalxaraq “X” platformasında:
"Səni sevirəm @taylorswift13 bu yuhlamaya qulaq asma!!"-yazıb.
Sviftin sevgilisinin komandasında uzun müddətdir talisman statusuna malik olmasına baxmayaraq, bu dəfə oyunda iştirakı kömək etməyib. Belə ki, onun komandası Qartallara 40-22 hesabı ilə uduzub. Daha əvvəl idmandan uzaqlaşmaq niyyətini dilə gətirən Travis Kelce üçün bu oyun sonuncu ola bilər.
Qeyd edək ki, Travislə görüşməzdən əvvəl də Teylor onun çıxış etdiyi “Eagles” fanatı olub və hətta "Gold Rush" mahnısını bu komandaya həsr etmişdi.
Aynil
