80 yaşlı Vanq Vanlin 700-dən çox uşağı xilas etdi
Çinin şərqindəki Zhejiang əyalətində 80 yaşlı Vanq Vanlin yaşayır.
Sfera.az bildirir ki, o, 700 atılmış uşağa "ata" olması ilə məşhurlaşıb. Vanq onlarla yetim uşağı övladlığa götürüb və onları böyütməyə çalışıb.
Vanq heç vaxt evlənməyib və öz ailəsi olmadan yaşayıb. O, 1979-cu ildə küçələrdə uşaqlara kömək etməyə başlayıb. İlk dəfə 34 yaşında ikən kömür mədənində işləmək üçün şirnikləndirilən və evə buraxılmayan 15 yaşlı oğlanla rastlaşır. Əvvəlcə Vanq onu evə aparıb və ona qatar bileti alıb.
Yeniyetmə ilə bağlı ilk hadisə, nəşrin yazdığı kimi, Vanqın öz həyatını xilas edib. Gənc yaşda haqsızlığın qurbanı olub: qonşusu onu oğurluqda ittiham edib. Vanq Vanlin cinayətlərini etiraf etməyə məcbur edilib və 16 il müddətinə ucqar ərazidəki fermada işləməyə göndərilib.
1978-ci ildə Vanq fabrikdə işləyirdi və maaşını uşaqları dəstəkləməyə və valideynləri olanları evə gətirməyə xərcləyirdi. Kişi uşaqlardan gələcəkdə onunla əlaqə saxlamasını, xəbər vermələrini istəyir və onlar da evə gedirdilər.
Vanlin onlarla uşağı valideynsiz övladlığa götürüb. Nümunə olaraq Yu Hui adlı oğlanın taleyi göstərilir. O, 12 yaşında ikən evdən çıxıb iş axtarışında çətinlik çəkən ailəsini dolandırmaq üçün gedib. Lakin o, yeniyetmələrlə pis əhatəyə düşüb və oğurluq etməyə məcbur olub. Vanq onu tapanda Yu zibil qutusunda yemək axtarırdı.
Vanq Vanlinin xilası sayəsində Yu peşə məktəbini bitirib Şanxaya köçərək, burada uğurlu karyera qurub. Pul qazanıb ailəsi üçün iki mərtəbəli ev tikdirib.
Vanq Vanlin "böyük ürəkli insan" adlanır. O, xilas edilən 700 uşağın hamısının məktublarını saxlayır.
Aysel
