Hindistanda fil turisti öldürdü

Hindistanın Anamalai Pələng Qoruğunda (Tamil Nadu ştatı) vəhşi fil Almaniyadan gələn 77 yaşlı turistə hücum edərək onu öldürüb.
 

Sfera.az bildirir ki, Hindistanda baş verən ərazidə yolda olan sürücülər heyvanı görüb dayanaraq onun yoldan çıxmasını gözləyirlər. Bununla belə, turist filin yolu keçməsini gözləmədən tələsmək qərarına gəlib. Təqaüdçü turist xəbərdarlığa məhəl qoymayıb və motosikleti ilə heyvanın yanından keçməyə cəhd edib.
 

Hadisə fevralın 4-ü axşam saatlarında baş verib. Alman səyyahı Michael S. şosse ilə hərəkət edərkən onun yolunda bir fil peyda olub. Yolda olan sürücülər də heyvanı görüb dayanaraq onun yoldan çıxmasını gözləyirlər. Bununla belə, turist heyvanın getməsini gözləmədən sürüşüb keçməyə qərar verib. Fil bunu hədə kimi qəbul edib, əsəbiləşib və motosikletçiyə hücum edib. Onu motosikletindən yerə yıxıb.

Ətrafdakılar qəzəblənmiş fili qovmaq üçün siqnal çalmağa başlayıblar, lakin bu, heç bir nəticə verməyib. Hadisə yerindən çəkilmiş videoda qurbanın bir müddət sonra yerdən qalxaraq motosikletinə yaxınlaşaraq uzaqlaşmağa çalışdığı, lakin bu zaman filin qaçaraq, dişi ilə adamın kürəyinə vurduğu və onu havaya atdığı görünür.

Turist xəstəxanaya çatdırılsa da, o, aldığı ağır xəsarətlərdən dünyasını dəyişib.
 

Hindistanlı müfəttişin sözlərinə görə, baş verənlərə görə adamın özü günahkardır.

"O, xəbərdarlığa məhəl qoymayıb - və bu, faciəyə səbəb oldu" - deyə müfəttiş bildirib.

Aynil