Avstraliya “DeepSeek”i QADAĞAN ETDİ
Avstraliya bütün dövlət sistemləri və cihazlarında “DeepSeek” süni intellekt xidmətlərindən istifadəni qadağan edib.
Sfera.az xarici mediaya istinadən xəbər verir ki, bu addım milli təhlükəsizliklə əlaqələndirilib.
“DeepSeek” Çin tərəfindən yaradılan süni internet proqramıdır. Bu proqrama son illərdə böyük marağın göstərilməsi qlobal bazarlara əhəmiyyətli təsir göstərib, bəzi informasiya texnologiyaları şirkətlərinin səhmlərinin ucuzlaşmasına səbəb olub.
Avstraliya Çinin süni intellekt startapına qarşı birbaşa tədbir görən ilk ölkələrdən biridir. Qərarı bu gün daxili işlər naziri Toni Börk elan edib. O, bütün “DeepSeek” məhsullarının, tətbiqlərinin və xidmətlərinin milli təhlükəsizliklə əlaqədar olaraq hökumət sistemlərindən dərhal silinəcəyini söyləyib.
Bu qərar Avstraliya kəşfiyyat orqanlarının texnologiyanın qəbuledilməz risk yaratdığını müəyyən edən təhdid qiymətləndirməsindən sonra verilib.
Vasif
