Türkiyə şəhəri dağıdıcı zəlzələ riski altında - 22 saniyə davam edə bilər

Türkiyənin kurort bölgəsində, xüsusən də İstanbuldan daha çox risk altında olan İzmirdə dağıdıcı zəlzələ riski var.

Sfera.az xəbər verir ki, bunu Geofizika Mühəndisləri Palatasının İzmir şöbəsinin rəhbəri Sinancan Öziçer deyib.

O qeyd edib ki, İstanbul sahillərindən keçən Şimali Anadolu fay xətti də metropolda güclü təkanlara səbəb ola bilər.

İstanbulda baş verən 7,5 bal gücündə zəlzələnin 90 mindən çox binanın dağılmasına və 4,5 milyona yaxın insanın evsiz qalmasına səbəb olacağı gözlənilir. Zərər 325 milyard dollardan çox ola bilər.

Öziçer vurğulayıb ki, İzmirdə qalınlığı 120 metrə qədər olan allüvial çöküntülərdən ibarət olan torpaq seysmik dalğaların amplitudasını artıraraq binaları daha həssas edir. O, həmçinin regionda 20-22 saniyə davam edən 6,9 bal gücündə zəlzələnin ola biləcəyini proqnozlaşdırır.

Yanvarın 22-də Türkiyə sahillərində 5 bal gücündə zəlzələ qeydə alınıb. (Publika.az)