"ABŞ ilə danışıqlara başlamışıq" - Putinin sözçüsü

Xəbər verdiyimiz kimi,  “American Airlines” aviaşirkətinə məxsus “Bombardier CRJ700” təyyarəsi Vaşinqtonda Reyqan milli hava limanı yaxınlığında “Sikorsky H-60 Black Hawk” hərbi helikopteri ilə toqquşduqdan sonra Potomak çayına düşüb. Təyyarədə 60 sərnişin və dörd ekipaj üzvü, helikopterdə isə üç ekipaj üzvü olub. Təyyarə qəzasında həlak olan üç nəfərin Rusiya pasportu olub.

Sfera.az bildirir ki, bununla bağlı Rusiya prezidentinin mətbuat katibi Dmitri Peskov da açıqlama verib. O qeyd edib ki, hazırda Rusiya və ABŞ diplomatik kanallar vasitəsilə danışıqlar aparır.

“Başqa ölkənin vətəndaşları ilə bağlı hər hansı insident baş verəndə diplomatik kanallar vasitəsilə məlumat verilir. İndi də belədir. Təəssüf ki, doğrudan da, faciə baş verib. Qəzada həlak olanlar arasında Rusiya vətəndaşları da var, hazırda diplomatlarımız cənazələrin çatdırılması ilə bağlı rəsmi məsələləri müzakirə edirlər”, - Kremlin sözçüsü bildirib. 

Türkan