Pişik sahibini işdən çıxartdı
Çində ev pişiyi sahibini işdən “qovdurub”. Belə ki, pişik sahibinin işdən çıxma ərizəsini müdirə göndərib.
Sfera.az bildirir ki, bir qadın istefa ərizəsi hazırlayıb, lakin iş yerində mükafat alana qədər onu rəhbərliyə göndərmək istəməyib. Bununla belə, onun pişiyi məsələni öz üzərinə alıb.
Belə ki, 25 yaşlı çinli qadın istefa məktubu hazırlasa da, iş yerində mükafat alana qədər onu göndərmək istəməyib. O, öz işini görmək üçün bir anlığa uzaqlaşıb və bu anda onun pişiyi kompüterin klaviaturasına atılaraq Enter düyməsini sıxıb. Layihədən məktub birbaşa işəgötürənə göndərilib.
Qadın öz ev heyvanının hərəkətlərini evdəki müşahidə kameralarına baxdıqdan sonra öyrənib.
Qadın pişiyi günahlandırmaq üçün dərhal müdiri ilə əlaqə saxlasa da, buna məhəl qoyulmayıb. O, həm işini, həm də il sonu mükafatını itirib.
İndi işdən çıxarılan qadın pişiklərini yedirtməyə ehtiyacı olduğu üçün yeni iş axtarmağı planlaşdırdığını deyir.
Aynil
