Çində xəstəxanalar dolub: Virus ölümcüldür
Çin, qrip və COVID-19-a bənzər simptomları olan və tənəffüs damcıları ilə yayılan yeni metapnevmovirusun (HMPV) yayılması ilə üzləşib. Bu barədə Çinin NDTV telekanalı məlumat yayıb. Xəstəliyin simptomları arasında öskürək, qızdırma, burun tutulması və yorğunluq var. İnkubasiya dövrü üç gündən altı günə qədər davam edir. Xəstəlik adətən soyuqdəymə kimi baş verir, lakin xüsusilə immuniteti zəif olan uşaqlarda və yaşlılarda pnevmoniyaya səbəb ola bilər.
Sfera.az bildirir ki, Çin hakimiyyəti naməlum mənşəli pnevmoniya üçün monitorinq sisteminin tətbiqini elan edib.
Çinin şimal əyalətlərində, xüsusən də 14 yaşa qədər uşaqlar arasında metapnevmovirusa yoluxma hallarında artım müşahidə olunub. Simptomlar soyuqdəyməyə bənzəyir, lakin xəstəlik çox vaxt ölümcül olur. Yeni virus koronavirus pandemiyasının başlamasından beş il sonra ortaya çıxıb, çox sürətlə yayılır. Xəstəxanalar və krematoriyalar artıq izdihamla doludur. Bəzi epidemioloqlar ölkədə bir neçə virusun: H1N1 qripi, HMPV, Mycoplasma pneumoniae və COVID-19 dolaşdığını iddia edirlər.
Virus yayıldıqca səhiyyə işçiləri vəziyyəti diqqətlə izləyir. Çin hakimiyyəti naməlum mənşəli pnevmoniya üçün monitorinq sisteminin tətbiqini elan edib. Yerli sakinlərə HMPV ilə mübarizə üçün antiviral dərmanlardan ehtiyatsız istifadə etməmək tövsiyə olunur. Bu tip virusa qarşı hələ də peyvənd yoxdur.
“İndependent” qəzeti Çinin şimal əyalətlərində, xüsusən də 14 yaşdan kiçik uşaqlar arasında HMPV-yə yoluxma hallarının artdığını açıqlayıb.
