"Avropanı hər vasitə ilə cəzalandırmaq lazımdır" - Medvedev

“Bütün mümkün vasitələrlə Avropanı cəzalandırmaq lazımdır”.

Sfera.az bildirir ki, bunu Rusiya Federasiyası Təhlükəsizlik Şurasının sədr müavini Dmitri Medvedev deyib. O, bu barədə teleqram kanalında yazıb.

Medvedevin sözlərinə görə, Avropa regionu dünyada rusofobiyanın əsas mənbəyinə çevrilib. O, iddia edib ki, Avropa İstanbulda Ukrayna ilə danışıqların pozulmasına və vətəndaşlarına zərər verən “ağılsız sanksiyalara” görə məsuliyyət daşıyır.

Rusiya Federasiyası Təhlükəsizlik Şurasının sədr müavini həmçinin Avropa ölkələrinin regionda dağıdıcı prosesləri dəstəklədiyini vurğulayıb və onlara qarşı siyasi, iqtisadi və hibrid təzyiq üsullarından istifadə etməyə çağırıb. 

Günay