Səmada 88 bürcün şəkilləri dərc edilib - FOTO
Milli Optik və İnfraqırmızı Astronomiya Rəsədxanası NOIRLab Beynəlxalq Astronomiya İttifaqı tərəfindən tanınan bütün 88 bürcün şəkillərini dərc edib.
Sfera.az xəbər verir ki, eyni zamanda 40 000 piksellə çəkilmiş gecə səmasının ən böyük ictimaiyyətə açıq şəkli də hazırlanıb və "Noirlab portalında mövcuddur .
Gecə səmasının nəhəng fotoşəkili alman astrofotoqrafı Ekhard Slavik tərəfindən yaradılıb. O, Almaniyada Valdenburq, İspaniyada Tenerife və La Palma, Namibiya və Çili kimi planetin ən qaranlıq və ən təmiz yerlərindən istifadə edib. Şəkillərin yaradılması üçün xüsusi texnikadan istifadə edilib: hər bir panel iki dəfə - diffuzorlu və diffuzorsuz çəkilib ki, fotodakı ulduzlar mümkün qədər aydın və parlaq olsun.
Layihə təkcə əyani materiallarla deyil, həm də məktəblərdə, planetariumlarda və muzeylərdə istifadə üçün ideal olan fləşkartlar və audiovizual vəsaitlər kimi təhsil resurslarını təqdim edir. Bütün şəkillər yükləmək üçün mövcuddur və astronomiya həvəskarları, tələbələr və alimlər tərəfindən istifadə edilə bilər. Onlar kosmosu daha dərindən öyrənməyə və hətta müstəqil olaraq gecə səmasında bürclər tapmağa imkan verir.
İnci
