Cənubi Afrikada nadir rastlanan genetik xəstəlikdən, bədənin sürətlə qocalmasına səbəb olan Hatçinson-Gilford sindromundan əziyyət çəkən 19 yaşlı qız vəfat edib.

Sfera.az bildirir ki, Beandri Booysen öz hekayəsini paylaşdığı və insanları ilhamlandırdığı sosial şəbəkələrdə məşhurlaşıb. Diaqnoz və az yaşama proqnozuna baxmayaraq, o, gözlənilən 14 ildən çox yaşayıb.

Onun vəfatı onun həyatından və mübarizəsindən ilhamlanan milyonlarla insan üçün faciəvi xəbər olub.

Ölüm anında fiziki yaşı 152 yaş sayılan Beandri (yaşadığı hər il üçün səkkiz il) dünyada xəstəliyin 200 tanınmış daşıyıcısından biri olub. Qeyd edək ki, dünya üzrə dörd milyon uşaqdan yalnız biri Hatçinson-Gilford sindromu ilə doğulur.

Cənubi afrikalı gənc qadın insanları həyatın çətinliklərinin öhdəsindən gəlməyə ruhlandırmaq üçün öz hekayəsini paylaşaraq sosial mediada şöhrət qazanıb. Diaqnoz və məhdud həyat proqnozuna baxmayaraq, o, gözlənilən 14 ildən çox yaşayıb.

Ölümündən iki ay əvvəl Beandri uğurlu açıq ürək əməliyyatı keçirib. O, sağalıb Milad bayramını ailəsi ilə qeyd etməyə ümid etsə də, onun həyatı erkən bitib.

Beandri progeriya sindromu haqqında məlumatlılığı artırmaq və xüsusi ehtiyacı olan insanlara dəstək olmaq üçün “TikTok” və digər platformalardan fəal şəkildə istifadə edib.

"Mənim məqsədim dünyaya hər bir insanın fərqli olduğunu göstərmək və dəstəyə ehtiyacı olanları ruhlandırmaqdır" - deyə o daim paylaşımlarında bildirib.

Aysel

Milyonları ilhamlandırdı: Fenomen olan yaşından 8 dəfə tez qocalan qız öldü - FOTO