Sinqapur hər həftə təbiətə 5 milyon ağcaqanad buraxır
Xüsusilə yay aylarında ağcaqanadlar hamımızın kabusa çevrildiyi halda, Sinqapurda hər həftə milyonlarla ağcaqanad təbiətə buraxılır. Qəribə səslənə bilər, lakin bu, Sinqapurun xəstəliklərlə mübarizə üçün hazırladığı inqilabi üsuldur. Bəs necə?
Sfera.az bildirir ki, Sinqapurun Milli Ətraf Mühit Agentliyi laboratoriya şəraitində həftədə 5 milyon ağcaqanad yetişdirir və təbiətə buraxır. Bu vəziyyət kabus kimi səslənsə də, əslində böyük bir ictimai səhiyyə layihəsinin bir hissəsidir.
Ağcaqanadların yaydığı xəstəliklər xüsusilə tropik ölkələrdə ciddi problemə çevrildiyindən, Sinqapur ağcaqanadların sayını azaltmağın yaradıcı yolunu tapıb.
Laboratoriyada yetişdirilən bu ağcaqanadlar Wolbachia adlı bakteriya ilə yoluxurlar. Bu bakteriyanın zərərli olduğunu düşünməyin, əslində o, təbiətin bir çox guşələrində artıq kəpənəklərdə, cırcıramalarda və arılarda mövcuddur.
Wolbachia, çoxalma qabiliyyətinə təsir edərək, ağcaqanad populyasiyasını azaltmaq üçün istifadə olunur. Bu bakteriya ilə yoluxmuş ağcaqanadlar təbiətə buraxıldıqda, cütləşdikləri dişi ağcaqanadların yumurtaları mayalansa belə, inkişaf edə bilmirlər.
Nəticədə ağcaqanadların sayı təbii olaraq çoxalma prosesini tamamilə dayandıraraq azalır.
Sinqapur bu üsul sayəsində ağcaqanadlarla yoluxan xəstəliklərin yayılmasını dayandırmağı və zamanla ağcaqanad populyasiyasını yox etməyi hədəfləyir.
Bu layihənin ən böyük məqsədi malyariya və danq qızdırması kimi xəstəliklərin qarşısını almaqdır. Malyariya kimi xəstəliklər bütün dünyada tanınsa da, danq qızdırması Sinqapur kimi tropik bölgələrdə daha çox yayılır.
Layihə ilə Sinqapur danq qızdırması və malyariya kimi xəstəliklərin yayılmasını dayandırmağı hədəfləyir. Bundan əlavə, uzunmüddətli perspektivdə ağcaqanadların sayını əhəmiyyətli dərəcədə azalda və bu xəstəliklərin sıfıra endirilməsini təmin edə bilərlər.
Aysel
