ABŞ-ın Viskonsin ştatının Medison şəhərində xristian məktəbində atışma baş verib, nəticədə müəllim və şagird ölüb.

Sfera.az bildirir ki, polis atəş açan şəxsin məktəbin 15 yaşlı şagirdi olduğunu bildirib. Atəş silahı tapança olub. Ölən müəllim və atıcının sinif yoldaşından başqa, ikisinin vəziyyəti ağır olmaqla altı şagird də yaralanıb. Müəllim və üç şagird yüngül bədən xəsarətləri ilə xəstəxanaya çatdırılıb, onlardan ikisi dekabrın 16-da axşam saatlarında evə buraxılıb.

Cinayətin motivi məlum deyil. Polis qeyd edib ki, əməliyyatçılar faciənin səbəbini müəyyən etmək üçün çalışırlar.

Polis həmçinin bildirib ki, Natali Rupnow kimi tanınan atıcı, zabitlər gələn zaman özünə güllə yarası ilə xəsarət yetirib. Qız xəstəxanaya aparılarkən yolda dünyasını dəyişib.

Polis hələlik digər təfərrüatları açıqlamayıb.

Eyni zamanda hadisə şahidlərindən biri qeyd edib ki, uzun silahlarla iki polis əməkdaşının itlərlə birlikdə məktəb binasına yaxınlaşdığını görüb. Tezliklə tələbələr qaçmağa başlayıb, bəziləri üst paltarsız və əl-ələ tutmuş vəziyyətdə olub.

Aynil

ABŞ-da xristian məktəbində atışma: Müəllim və şagird həlak olub