Başqırdıstanda YENİ QANUN - Əcnəbilər daha çox vergi ödəyəcək

Başqırdıstanda patentlə işləyən əcnəbilərin vergisi artırılıb.

Sfera.az RBK-ya istinadən xəbər verir ki, bununla bağlı qanunu region rəhbəri Radiy Xabirov imzalayıb. Qanundakı dəyişiklik 2025-ci ildən qüvvəyə minəcək.

Qanuna əsasən, hazırda 1 875 rubl (30,4 manat) olan vergi məbləği 2025-ci ildə 2 239 rubla (indiki məzənnə ilə 33 manat) yüksələcək. Başqırdıstan rəhbərliyinin bu addımı atmasında məqsədi əcnəbilərin vergi yükünü yerli sakinlərinin vergi yükünə uyğunlaşdırmaqdır. Bu göstərici nəzərə alınmaqla, bölgədə patentlə işləyən miqrantlar üçün fərdi gəlir vergisi üçün sabit ödəniş 6,3 min rubl (102 manat) təşkil edəcək. Hazırda bu məbləğ 5,4 min rubldur (87,5 manat).

Beləliklə, 2025-ci ildə əmək miqrantları üçün patentin qiyməti 16,6% artacaq.

Vasif

Sfera.az