Zelenskidən NATO-ya ÇAĞIRIŞ: "Ukraynanı..."

Ukrayna Prezidenti Volodimir Zelenski savaşla bağlı yeni açıqlamalar verib.

Sfera.az bildirir ki, bu barədə o, Yaponiyanın “Kyodo” agentliyinə müsahibəsində danışıb. Müharibənin mürəkkəb bir dövrə girdiyinə işarə edən Zelenski bəzi şərtlərin qəbul ediləcəyi təqdirdə Rusiya ilə danışıqlara hazır olduqlarını bildirib.

O qeyd edib ki, tərəfdaşlarının müharibədə ölkəsinə dəstəyi kafi deyil. Zelenski həmçinin NATO-nu Ukraynanı üzvlük danışıqlarına dəvət etməyə çağırıb.

“Rusiyanın 2014-cü ildə qeyri-qanuni ilhaq etdiyi Krımı və müharibədə zəbt etdiyi bəzi yerləri zorla geri almaq çətindir. Bu məsələdə diplomatik həll yolları tapmalıyıq”, ölkə başçısı bildirib.

Şimali Koreyanın Ukraynaya qarşı Rusiya tərəfində döyüşmək üçün əsgər göndərməsinə gəlincə, Zelenski bu əsgərlərdən bəzilərinin öldürüldüyünə diqqət çəkib: “Rus ordusunun Şimali Koreya əsgərlərinə təlim keçməsinin Asiyada böyük təsirləri olacaq”.

Ukrayna prezidenti əlavə edib ki, ABŞ-nin 47-ci prezidenti seçilən Donald Tramp və komandası savaş üzərində işləyir.

Günay