NATO-nun baş katibi Mark Rutte Donald Trampı ABŞ-də keçirilən prezident seçkilərində qələbəsi münasibətilə təbrik edib və onunla işləməyə hazır olduğunu bildirib.
 

Sfera.az xəbər verir ki, bu barədə Rute sosial şəbəkədəki səhifəsində yazıb.
 

“Mən indicə Donald Trampı ABŞ prezidenti seçilməsi münasibətilə təbrik etdim. Onun rəhbərliyi bizim ittifaqımızın gücünü qoruyub saxlamaq üçün bir daha mərkəzi rol oynayır. Mən onunla yenidən işləməyi və NATO-nun gücü ilə sülhü təşviq etməyi səbirsizliklə gözləyirəm”, - Rutte yazıb.
 

Qeyd edək ki, Amerika mətbuatında çıxan nəşrlərə görə, Trampı artıq Salvador, Fransa, Latviya, Litva, Ukrayna prezidentləri, Böyük Britaniya, Macarıstan, İsrail, Hindistan və digər ölkələrin baş nazirləri təbrik edib.

İnci