Amerikalı pop müğənni, aktrisa və rəqqasə Britni Spirs karyerasında yeni səhifə açmağa qərar verib.
 

Sfera.az bildirir ki, pop ulduz noyabrın 4-də İnstaqram səhifəsində özünün “B Tiny” adlı zərgərlik brendinin istifadəyə verildiyini elan edib.
 

Müğənni, deyəsən, vaxt itirməyib. Bioqrafik çəkilişlərə uğursuz başlayandan sonra Britni Spirs özünü sahibkar kimi sınamaq qərarına gəlib və zərgərlik brendi yaradıb.
 

Britni çəhrayı fonda qızılgül qönçəsi və brendin təsvir olunduğu son biznes layihəsinin loqosunu dərc edib.


O, 41,9 milyon izləyicisinə şirkətin yaradılmasından çox həyəcanlı olduğunu bildirib və tezliklə bazara yeni zinət əşyalarının çıxacağını, hər birinin eksklüziv və bənzərsiz olacağını qeyd edib. Ulduz mavi və yaşıl qiymətli daşlarla nümunə əl zəncirini nümayiş etdirən foto və videosunu paylaşıb.


"Mənim ilk zinət əşyalarım tezliklə satışa çıxacaq! Zərif, qeyri-adi və bənzərsiz zərgərlik! Mən çox həyəcanlıyam! Öz işindən zövq ala bilən sənətkar olmağın necə gözəl olduğunu başa düşürəm! “B Tiny” tezliklə çıxır! Qızlar, siz bunu çox sevəcəksiniz”-deyə müğənni yazıb.
 

“B Tiny”nin nə vaxt satışa çıxarılacağı və ya qiymətinin nə olacağı bəlli deyil. Britninin biznes layihəsi ilə bağlı yeni açıqlaması yayımlandıqdan sonra üç saat ərzində 40 mindən çox bəyənmə toplayıb. Bu, pərəstişkarları arasında sensasiya yaradıb. Bununla belə, müğənni postda şərh yerini bağladığı üçün pərəstişkarları fikirlərini bölüşə bilməyiblər.

Aysel

Sfera.az