Şri Lankada hədsiz ambisiyaların bir növ abidəsinə çevrilmiş nəhəng beynəlxalq hava limanı var. 2013-cü ildə demək olar ki, 210 milyon dollara açılan hava limanı, hələ də gündə təxminən 7 sərnişinə xidmət göstərir.
 

Sfera.az bildirir ki, Şri-Lankadakı “Mattala Rajapaksa” dünyanın ən boş hava limanı” adlandırılıb. Hava limanı həm də hələ də borc batağındadır, çünki minimum gəliri Çindən alınan kreditləri ödəməyə kifayət etmir.
Hava limanının infrastruktur plan uğursuz olub.
 

Qeyd edək ki, “Mattala Rajapaksa” Beynəlxalq Hava Limanı Şri Lankanın paytaxtı Kolombodan dörd saat yarımlıq məsafədədir. O, Hambantota əyalətində yerləşir. Maşın icarəsi ofisi, oteli olan cəngəllik və kiçik kəndlərlə əhatə olunub.


Hava limanı 2013-cü ildə o vaxtkı prezident Mahinda Rajapaksa tərəfindən açılıb. Prezidentlik kampaniyası zamanı Rajapaksa hava limanının tikintisinə 210 milyon dollar xərcləyib. Obyektlərin əksəriyyəti Çin tərəfindən “Bir kəmər və yol” təşəbbüsü çərçivəsində maliyyələşdirilib.
 

Əvvəlcə hava limanının ətrafında digər infrastrukturun qurulması nəzərdə tutulmuşdu ki, bu da uzaq Şri-Lankaya minlərlə Qərb və Asiya turistindən faydalanmağa imkan verirdi.
 

Ancaq bu planlar heç vaxt baş tutmadı və nəticədə çox az sayda təyyarə uçuş-enmə zolağından çıxır.


Rajapaksa 2015-ci ilin yanvarında seçkiləri uduzduqdan sonra vəzifəsindən gedib, boş layihə üçün isə boş yerə pullar itirildi.
 

Uçuş gəlirləri aşağı olduğundan, hava limanının istifadə olunmamış yük terminalları bölgənin böyük düyü məhsulunu saxlamaq, eləcə də istifadə olunmayan təyyarələrin uzunmüddətli parklanması üçün icarəyə verilmişdir. Əvvəlcə bir milyon sərnişinə xidmət etmək üçün tikilmiş 12 ərazi hələ də tərk edilmiş vəziyyətdədir.


Nəhəng hava limanı uçuşları çox nadir hallarda qəbul edir.
 

Hava limanının gələcəyi qeyri-müəyyən olaraq qalır. İnkişaf etməkdə olan Hindistanın bu obyekti əldə etmək istədiyinə dair şayiələr olsa da, bu məlumat hələ öz təsdiqini tapmayıb.

Aynil

Sfera.az