Supermodel, iş qadını və realiti-şou ulduzu Kendall Cenner imicini kökündən dəyişib. 

Sfera.az xəbər verir ki, o, şəkillərini İnstaqramda paylaşıb.

Model ilk dəfə saçlarını sarıya boyatdıraraq nəticəsini göstərib. O, fotoda qara dəri gödəkçə, köynək və mavi cins şalvarda poza verib. Modelin yeni imici şərhlərdə müzakirələrə səbəb olub.

Fotoya “Dramatik transformasiya”, “Niyə belə etdin?”, “Dəhşət”, “Qaraşın kimi daha yaxşı idin”, kimi rəylər yazılıb.

Mayın 19-da Kendall Cenner keçmiş sevgilisi reper Bəd Banninin Orlandoda verdiyi konsertdə  görüntülənib. Onun qara köynəkdə sənətçinin pərəstişkarları arasında dayandığı video internetdə yayılıb. Cenner ifaçı ilə birlikdə rəqs edib və mahnı oxuyub.

İyun ayında Kendall Cenner və Bəd Banni Parisdəki "Ferdi" restoranına gedərkən paparassilərin diqqətinə tuş gəlib. İfaçı fotoqraflardan çəkinməyib və sevgilisinin ombasına toxunub.

Kendall Cenner dünyanın ən yüksək maaş alan modellərindən biridir. O, müxtəlif şoulardan və reklam kampaniyalarından əldə edilən gəlirlə yanaşı, “The Kardashians” ailə realiti-şousunun çəkilişlərində iştirakından da gəlir əldə edir.

İnci