Dünyanın ən qədim kitablarından biri olan “Crosby-Schoyen Code” Londonda “Christie's” auksionunda 3.065.000 funta (təxminən 158 milyon Amerika dolları) satılıb. Papirus üzərində yazılmış bu əsrarəngiz əsər hələ 1952-ci ildə Misir səhrasının ortasındakı uçurumun ətəyindəki bankada tapılmışdı.

Sfera.az bildirir ki, əlyazma 3-cü əsrin ortalarından 4-cü əsrin əvvəllərinə aiddir. Burada Müqəddəs Kitabın ən qədim iki mətni - Yunus Kitabı və Peterin məktubu var. Kitabın vərəqləri bir-birinə bərkidilməmiş, şüşə çərçivələrdə və taxta sandıqlarda ayrıca saxlanılır.

Əsərlər tarixin dönüş nöqtəsində, insanların bir çox tanrılara inamının tükəndiyi, xristianlığın getdikcə populyarlaşdığı bir vaxtda yazılmışdır.

Əlyazma təxminən 1500 il ərzində səhrada toxunulmaz qalmışdır.

“Krosbi-Şoyen Kodeksi 20-ci əsrin üç əsas tapıntısından biridir və bu, xristianlığın öyrənilməsində inqilab yaradan, özəl əllərdə olan ən qədim kitabdır. Eyni zamanda, ümumilikdə ən qədim kitablardan biridir”- “Christie's”in orta əsrlər və Renessans əlyazmaları üzrə baş mütəxəssisi Eugenio Donadoni bildirib.

Mütəxəssislər bu kodların əvvəllər də mövcud olduğunu, lakin heç birinin qorunub qalmadığını irəli sürürlər. Məhz buna görə tapılan nümunə xristianlıq və informasiya texnologiyaları tarixində möhtəşəm tapıntı sayıla bilər.

1981-ci ilə qədər kitab Missisipi Universitetində (ABŞ) saxlanılıb, daha sonra, 1988-ci ildə onu norveçli əlyazma kolleksiyaçısı doktor Martin Şon alıb.

Əlyazma təxminən 1500 il ərzində səhrada toxunulmaz qalmışdır.

Bundan əlavə, daha bir maraqlı hərrac Yeni Zelandiyada olub. “Webb's” hərrac evində nəsli kəsilmiş Huia quşunun tək tükü 28 417 dollara satılıb. Qeyd edək ki, Huia quşları Maori xalqı tərəfindən müqəddəs sayılırdı. Məhz bu quşların tükləri başçıların və ailələrinin baş geyimlərini bəzəyirdi. Onlar sonuncu dəfə 1907-ci ildə görülüblər.

Aynil

Sfera.az

Dünyanın ən qədim kitablarından biri səhranın ortasında tapıldı - FOTO