Ceniffer və Ben Afflek boşanma şayiələri arasında birlikdə görüntüləndi
Müğənni Cennifer Lopez və Ben Afflek boşanma xəbərləri arasında birlikdə görüntüləniblər.
Məşhurlar bazar günü Kaliforniyanın Brentvud şəhərində keçirilən ailə tədbirinə ayrı-ayrılıqda gəlsələr də, aktyorun avtomobilində birlikdə gəziblər.
Sfera.az bildirir ki, uzun müddət birlikdə heç yerdə görünməyən cütlük haqqında jurnalistlər ayrı yaşadıqlarını və boşanmağa hazırlaşdıqlarını iddia ediblər.
İnternetdəki fotoşəkillərdə, həm Afflek, həm də Lopezin əlində toy üzüklərini taxdıqları görünür. JLo şalvarı və xaki paltosu ilə dəbli görkəmdə diqqət çəkib. Ben cins şalvar və boz köynəkdən ibarət təsadüfi bir görünüş nümayiş etdirib.
Cütlüyün bu görünüşü onların təxminən iki illik evliliyindən sonra boşanmağı planlaşdırdıqları və indi ayrı yaşadıqları barədə şayiələr fonunda baş verib.
Bu yaxınlarda bir mənbə KİV-ə: "Cütlüyün münasibəti hələ bitməyib, lakin onlar ayrı-ayrı evlərdə qalırlar və münasibətlərində gərginlik yaşanır. Onların nə istədiklərini anlamaq üçün bir az zamana ehtiyacları var. Çox depressiyaya düşürlər”-deyə bildirib.
Qeyd edək ki, JLo və Benin münasibətləri 2021-ci ildə yenidən alovlanıb. Cütlük 2022-ci ildə yenidən evlənib.
Afflek və Lopez isə rəsmi olaraq, heç bir xəbərə və şaiyələrə münasibət bildirməyiblər.
Aynil
Sfera.az
