Ukraynada seçkilər o zaman baş tutacaq ki, ölkə vətəndaşları şərtlərin buna imkan verməsi ilə razılaşsınlar.


Sfera.az "RİA Novosti"yə istinadən xəbər verir ki, bu barədə ABŞ dövlət katibi Entoni Blinken Kiyevdə Politexnik İnstitutunun tələbələri ilə görüşündə bildirib.

Blinkenin sözlərinə görə, “bütün ukraynalılar öz səsvermə hüquqlarından istifadə edə biləcəklər... o vaxt ki, ukraynalılar şərtlərin imkan verdiyini qəbul etsin”. O əlavə edib ki, Vaşinqton Kiyevlə seçki infrastrukturunu gücləndirmək üçün işləyir.

Qeyd edək ki, Ukraynada prezident seçkiləri martın 31-də başlamalı idi, lakin bu il respublika mühüm səsvermə olmadan qalıb. Kiyev seçki kampaniyasının ləğvini Rusiya ilə müharibə fonunda mövcud hərbi vəziyyətlə izah edib.

Seçkilərdə ən azı doqquz namizəd iştirak edə bilərdi. Sorğulara görə, seçki yarışının favoritləri Volodimir Zelenski və Valeri Zalujnıdır.

Əzizə
Sfera.az