Dövlətlərarası Aviasiya Komitəsi (DAK) 2019-cu ildə Şeremetyevoda qəzaya uğrayan Aeroflot Superjet 100 təyyarəsi ilə bağlı yekun hesabatı hazırlayıb.

Sfera.az xəbər verir ki, bu barədə komitə məlumat yayıb.

Qaydalara uyğun olaraq hazırlanmış hesabat istintaqda iştirak edən digər tərəflərə - Fransa, Almaniya və ABŞ-yə göndəriləcək. 

Buna görə hesabat hazırda ingilis dilinə tərcümə olunur. Hesabatı aldıqdan sonra digər iştirakçılar 60 gün ərzində öz şərhlərini təqdim etməli olacaqlar.

Komitə qeyd edib ki, araşdırma zamanı bütün təhlükə faktorları Rusiya Hava Nəqliyyatı üzrə Federal Agentliyinə (Rosaviatsiya), bu tip təyyarələrin konstruktorlarına, istehsalçılarına və istifadəçilərinə ötürülür.

Xatırladaq ki, 2019-cu il mayın 5-də RA-89098 dövlət nömrə nişanlı Superjet 100 təyyarəsi Şeremetyevoda məcburi eniş edib və alovlanıb. Təyyarədə 5 ekipaj üzvü və 73 sərnişin olub. Fövqəladə hadisə zamanı 40 sərnişin və 1 ekipaj üzvü ölüb.

DAK-ın ilkin hesabatına görə, təyyarəni ildırım vurub, bu da avtopilotu sıradan çıxarıb və yerlə radio rabitəsini müvəqqəti pozub. Təyyarə bir neçə dəfə uçuş-enmə zolağına çırpıldıqdan və dişli vallarını əzdikdən sonra alovlanıb. Təyyarənin mühərrikləri yalnız təyyarənin özü tam dayandıqdan sonra işləməyi dayandırıb.

Ximki şəhər məhkəməsi təyyarənin pilotu Denis Yevdokimovu hava hərəkəti qaydalarını pozmaqda təqsirli bilib və 6 il həbs cəzası verib.

Firuzə Əliyeva