Afrikadan toz daşınması səbəbi ilə Türkiyənin Bolu şəhərində səma qırmızı, bənövşəyi və sarı rəngə boyanıb.

Gundem.az bu barədə Türkiyə mediasına istinadən xəbər verir.

Türkiyə daxilində təsirli olan Afrikadan toz gəlməsi davam edir.

Qeyd olunur ki, Meteorologiya Ümumi Müdirliyi ötən gün Bolu üçün sarı kod xəbərdarlığı etmişdi.

Açıqlamada, görmə məsafəsinin azalması, havanın keyfiyyətinin azalması, palçıq yağıntıları və nəqliyyatda ləngimələr da daxil olmaqla, tozun yaratdığı sağlamlıq problemləri ilə bağlı xəbərdarlıq edilib.

Vətəndaşlara toz ilə bağlı yarana biləcək neqativ hallara qarşı diqqətli və tədbirli olmaları barədə məlumat verilib.