Bayden Çin istehsalı olan elektrik avtomobillərini qadağan etməyə çağırıb

"Çin elektrik avtomobilləri Amerika avtomobil sənayesi üçün ekzistensial təhlükədir."

Sfera.az xarici KİV-ə istinadən xəbər verir ki, bunu senatın Bank Komitəsinin sədri senator Şerrod Braun deyib.

Fevral ayında Ağ Ev bildirmişdi ki, ABŞ Çin avtomobillərinin milli təhlükəsizlik riski olub-olmaması ilə bağlı araşdırmaya başlayır.

"Biz Çinin hökumət tərəfindən dəstəklənən fırıldaqlarını Amerika avtomobil sənayesinə gətirməsinə icazə verə bilmərik",- Senator Braun "X" sosial media platformasında demişdi.

Ağ Ev bildirib ki, Vaşinqton Çin istehsalı olan avtomobillərdəki texnologiyanın sürücüləri və sərnişinləri haqqında böyük həcmdə həssas məlumat toplaya biləcəyi ilə bağlı narahatlıqlara görə məhdudiyyətlər qoya bilər.

O, xəbərdarlıq edib ki, internetə qoşulan avtomobillər ABŞ infrastrukturu haqqında ətraflı məlumatı qeyd etmək üçün müntəzəm olaraq kamera və sensorlarından istifadə edir, kritik infrastrukturla birbaşa əlaqə qurur və uzaqdan idarə oluna və ya söndürülə bilir.

Firuzə Əliyeva