"Heç yerə qaçmaq fikrim yoxdur" - Xalq artisti

“Crocus Group”un birinci vitse-prezidenti, Xalq artisti Emin Ağalarov Bakıda Rusiyanın "Forbes" jurnalına müsahibə verib.

 

Sfera.az xəbər verir ki, sənətçi martın 22-də “Crocus City Hall”da baş verən terror aktı ilə bağlı ona ünvanlanan sualları cavablandırıb. O, hadisənin başladığı an Kutuzovskidəki ofisində olduğunu bildirib:

 

"İşçilərdən biri - zalın direktoru Roman Qraçov mənə zəng etdi və "Crocus"da atışma olduğunu söylədi. O vaxt Kutuzovskidəki ofisimdə idim. Maşına mindim, faciə yerinə getdim, yəqin ki, 30-45 dəqiqəyə çatdım. Yəni ilk atışlardan 40-45 dəqiqə sonra mən artıq "Crocus"un girişində idim.

 

Həmin vaxt artıq binada yanğın başlamışdı və ziyarətçilərin çoxu çıxıb getmişdi. Əlbəttə, bu, dəhşətli mənzərə idi, artıq küçədə ölülər var idi. Qraçev və digər işçilərlə birlikdə foyedə sağ qalanların olub-olmamasını yoxladıq. Təəssüf ki, onlar arasında sağ qalan yox idi".

 

Emin atası, “Crocus Group”un prezidenti Araz Ağalarovla birlikdə serverlərin olduğu mərtəbəyə qalxdıqlarını bildirib:

 

"Birbaşa "Crocus City Hall"a girə bilmədik, çünki yanğın başlamışdı. Hadisə yerinə “Crocus Group”un prezidenti Araz Ağalarov gəldi. Zalın direktoru və mühafizəçilərlə birlikdə server otağına yollandıq. Biz küçəboyu zalın ətrafında qaçdıq, tamaşaçıların zalı tərk etdiyi evakuasiya dəhlizlərinə girdik, tüstülü dəhlizlərdən keçdik və dördüncü mərtəbəyə çıxdıq. Orada serverlərin olduğu metal qapını tapdıq.

 

Qapını dərhal açmaq mümkün olmadı. Fövqəladə Hallar Nazirliyinin əməkdaşlarından biri bizə kömək etdi. Biz ondan balta götürdük və naqilləri kəsərək serveri çıxardıq. Onu hüquq-mühafizə orqanlarına təhvil verdik. Qalan vaxtımızı isə orada keçirdik".

 

Emin terror aktından sonra Rusiyadan getməsi ilə bağlı xəbərlərə isə "Heç yerə qaçmaq fikrim yoxdur" cavabını verib.

 

Qeyd edək ki, hadisə nəticəsində 144 nəfər ölüb, 382 nəfər yaralanıb.


OXŞAR XƏBƏRLƏR

Azərbaycanda AĞIR QƏZA - Ölənlər var + FOTO

Naxçıvanın Culfa rayonu ərazisində ağır yol-nəqliyyat hadisəsi baş verib.   Sfera.az xəbər verir ki, Ərəzin kəndi ərazisində baş verən hadisədə ...

Azərbaycan nefti cüzi UCUZLAŞDI

Dünya bazarlarında "Azeri Light" (CIF) markalı Azərbaycan nefti ucuzlaşıb.   Sfera.az xəbər verir ki, Azərbaycan neftinin 1 bareli üz...

İran XİN: "Azərbaycanla Ermənistanın delimitasiya ilə bağlı qərarına hörmətlə yanaşırıq"

İran Azərbaycanla Ermənistan arasında sərhədlərin delimitasiyası komissiyasının iclasında əldə olunmuş razılaşmalara hörmət edir.   Sfera.az İSNA-ya ...

Xankəndidə silah-sursat AŞKARLANDI

Xankəndi şəhəri ərazisindən xeyli sayda silah-sursat tapılıb.   Bu barədə Sfera.az-a Daxili İşlər Nazirliyindən məlumat verilib.   Qeyd ol...

Britaniya naziri Azərbaycan və Ermənistan arasında əldə olunmuş razılaşmanı ALQIŞLADI

Böyük Britaniyanın Avropa məsələləri üzrə dövlət naziri Nusrat Qani Azərbaycan və Ermənistan arasında əldə olunmuş razılaşmanı alqışlayaraq bunu irəli mühüm add...

Qırğızıstanla Azərbaycan arasında ticari-iqtisadi sahədə sənədlər İMZALANACAQ

Qırğızıstan Prezidenti Sadır Japarovun Azərbaycana aprelin 24-25-də baş tutacaq dövlət səfəri çərçivəsində ticari-iqtisadi, mədəni-humanitar sahələrdə əməkdaşlı...