Əfsanəvi modelyer Klod Montana vəfat etdi - FOTOLAR

Əfsanəvi modelyer Klod Montana vəfat etdi - FOTOLAR

Məşhur fransız modelyer-dizayner Klod Montana Parisdə vəfat edib. O, “House of Montana” brendinin yaradıcısı idi. 

 

Sfera.az bildirir ki, yaradıcılığına Alexander McQueenin belə heyran olduğu Klod Montananın 76 yaşı var idi. 1980-ci illərdə dəbli qadının üslubunu müəyyən edən məhz Klod Montana olub.

 

İlk növbədə şişirdilmiş siluetləri ilə tanınsa da, ona "Çiyin Yastıqlarının Kralı" ləqəbini qazandırsa da, Montana qüsursuz dərziliyi və sənətkarlığı, eləcə də qəşəng sürməyi və qaradan parlaq çalarlara qədər rənglərdən incə istifadəsi ilə məşhurlaşıb. Zümrüd və kobalt mavisi rəngi də məhz onun imzası idi.  

 

O, ən çiçəklənmə dövründə “Thierry Mugler” və “Jean Paul Gaultier” ilə birlikdə Paris modasının açıq-saçıq avanqardını təmsil edirdi. Montana həmçinin 1990-1992-ci illər arasında “Lanvin” modasını dizayn edib.

 

Gautier onun istedadına hörmətlə yanaşaraq:

 

“Klod Montana heyrətamiz və qeyri-adi şoular nümayiş etdirən inanılmaz dizayner idi. O, kolleksiyalarının əsas materialı olan dəridən istifadədə misilsiz izə malik idi"-deyir.

 

Modelyer Stiven Cons onu dahi və mükəmməl bir insan kimi xatırlayır.

 

Yves Saint Laurent bir dəfə onun haqqında:

 

“Klod işi dayandırdıqda onu əvəz edə biləcək yeganə şəxs yenə də özüdür" demişdi.

 

Klod Montana 1997-ci ildə kreditorlardan qorunmaq üçün müraciət etdiyi təlatümlü dövrdən sonra, iki il ərzində iki dəfə moda evini satmağa məcbur olmuş, daha sonra moda səhnəsindən tədricən itmişdi. 2002-ci ildə Parisdə son şousunu nümayiş etdirdikdən sonra ictimaiyyətin diqqətindən demək olar ki, tamamilə çəkildi. Son illərdə o, təkbaşına yaşayırdı.

 

“Haute Couture” Federasiyası da onun ölümünü təsdiqləyib. Klodun bir qardaşı sağdır. Onunla birlikdə işləyən bacısı Jaklin ötən il dünyasını dəyişib.

 

Montananın tərcümeyi-halı

 

Montana Parisdə alman ana və katalon atanın övladı olaraq, anadan olub. 70-ci illərin əvvəllərində Londona köçərək, qısa müddətdə Britaniyanın “Vogue” jurnalının diqqətini cəlb edən “papier-mache” zinət əşyaları istehsalına başlayıb. Parisə qayıdan Montana, “MacDouglas Leathers” üçün dizaynerlik etmiş, 1979-cu ildə öz brendini qurmuşdur.

 

Əvvəlcə Montananın aqressiv siluetləri amerikalı tənqidçiləri və alıcıları şoka saldı. O, qadının qadınlarla münasibəti və “neo-nasist” estetikasını təbliğ etməkdə ittiham olunurdu.

 

80-ci illərin ortalarında Montana şouları moda tənqidçiləri arasında ən populyar olmuşdu.

 

Klodun kolleksiyalarına kişi qarderobundan götürülmüş bir çox görünüş daxil idi. O, həmçinin aviatorların, dəniz piyadalarının, fabrik işçilərinin və hətta məşhur Fransız Akademiyasının üzvlərinin geyindiyi geyimləri kopyalayaraq uniformalardan ilham alırdı 

 

1988-ci ildə Avstraliyanın Sidney Opera Evində keçirilən “Bicentennial Wool Collection” moda nümayişində Şahzadə Çarlz və Şahzadə Diana onunntədbirinin fəxri qonaqları olublar.

 

Montananın dediyinə görə, 80-ci illərin sonunda “Christian Dior” və “Givenchy” ona yaradıcı direktor vəzifəsini götürmək təklifi ilə müraciət ediblər. Amma 1989-cu ildə “Lanvin” evindən daha sərfəli təklif gəlib.

 

O, 1993-cü ildə androgin amerikalı model Uollis Frankenlə evlənib. Lakin nikah 1996-cı ildə Uollisin faciəvi şəkildə ölümü ilə sona çatıb. Uollis mənzillərinin pəncərəsindən yıxılıb. Onun ölümünün intihar olduğu bildirilir.

 

Sənayedə bir çoxları dolayısı ilə Montananı Uollisin ölümündə günahlandıraraq, fiziki və emosional istismarı ilə onun depressiyaya düşməsinə səbəb olduğunu iddia ediblər. Montana özü, heç vaxt bu barədə danışmayıb.

 

2004-cü ildə çıxış edən Yves Saint Laurent Montananın fitri istedad və qeyri-adi gücə malik olan dövrünün yeganə canlı dizayneri olduğunu bildirib.

 

Xanım

Sfera.az 


OXŞAR XƏBƏRLƏR

“Tik-Tok”da baxdığı videodakı dilənçi qardaşı çıxdı

54 yaşlı evsiz Xorxe Pineda sosial media sayəsində 13 ildən sonra bacısı Beatrislə yenidən bir araya gəlib.    Sfera.az bildirir ki, bu heyrətam...

Ceyms Bond filmindən ilhamlanaraq dizayn edilib: Dünyanın ilk üzən oteli

Fransız dizayneri tərəfindən hazırlanmış və “Anthenea” adlanan bu otelin dəniz mənzərəsi yoxdur. Otel dənizin özündədir.    Sfera.az...

Türkiyədə ən çox daşınmaz əmlaka ruslar sahib olub - STATİSTİKA

2024-cü ilin mart ayına olan məlumata görə, Rusiya Federasiyası vətəndaşları Türkiyədə satın alınan daşınmaz əmlakın həcminə görə lider olublar. Sfera.az x...

Qadın məktəb direktoru icra başçısının müavini təyin olundu

Bakı şəhəri Nizami Rayon İcra Hakimiyyəti başçısına yeni müavini təyin olunub.   Sfera.az məlumatına görə, Könül Həsənova Nizami Rayon İcra Hakimiyyə...

Tokayev Qazaxıstanda elektron siqareti qadağan etdi

Qazaxıstan Prezidenti Kasım-Jomart Tokayev səhiyyə məsələləri ilə bağlı qanunvericilikdə veyplərin (elektron siqaretlərin) idxalı, istehsalı, satışı və reklam o...

Dubay aeroportu təyyarələrin qəbulunu 48 saatlıq məhdudlaşdırdı

Dünyanın ən böyük nəqliyyat mərkəzlərindən biri olan Dubay Beynəlxalq Hava Limanı aprelin 19-u saat 12:00-dan etibarən təyyarələrin qəbulunu 48 saatlıq məhdudla...