Robotlar insanları əvəz edir - 263 min nəfər işsiz qalıb

Dünyanın böyük texnologiya şirkətləri ilin əvvəlindən 34 min nəfəri işdən çıxarıb.

Sfera.az xəbər verir ki, texnologiya şirkətləri böyüməni dəstəkləmək üçün süni intellekt sahəsinə sərmayə yatırımlarını artırıb və bunun nəticəsində 34 000 iş yeri ixtisara düşüb. 

İxtisarları izləyən “Layoffs.fyi” internet saytından verilən məlumata görə, “Microsoft”, “Snap”, “eBay” və “PayPal” kimi iri şirkətlər yanvarın əvvəlindən minlərlə insanı işdən çıxarıb. Bu il ümumilikdə 138 texnologiya şirkətinin işçilərini ixtisar etdiyi görülüb. 

“Layoffs.fyi”nin məlumatlarına görə, 2023-cü ildə texnologiya sektorunda ümumilikdə 263 min insan işdən çıxarılıb. “Meta”, “Amazon” və “Microsoft” kimi böyük texnologiya şirkətləri süni intelekt texnologiyalarına daha böyük sərmayələr qoyur ki, bununla da insan əməyinə ehtiyac azalır. 

ABŞ-nin “Jefferies Bank”ın analitiki Brent Till isə hesab edir ki, ixtisarlar davam edəcək və vəziyyət daha da pisləşəcək. “Bu, yoluxucu hal alıb" deyən analitik şirkətlərin süni intellekt kimi yeni sahələrə sərmayə qoymaq üçün resurslarını yenidən planlaşdırdığını və buna görə də hər il çoxlu sayda insanın işsiz qaldığını bildirib. 

Vasif