Deputat “Biznesinin İnkişafı Fondu”nun yardılmasının müsbət tərəflərindən danışdı
15:24 / 13.10.2021
789
"Azərbaycan
Prezidenti "Azərbaycan Biznesinin İnkişafı Fondu”nun yaradılması barədə fərman
imzalayıb. Sənədə əsasən, İqtisadiyyat Nazirliyinin tabeliyindəki
"Sahibkarlığın İnkişafı Fondu” və "Azərbaycan İnvestisiya Şirkəti” birləşmə
formasında yenidən təşkili yolu ilə "Biznesinin İnkişafı Fondu” yaradılacaq.
Fondun əsas məqsədi iqtisadiyyatın, qeyri-neft sahələrinin inkişafını dəstəkləmək,
bu sahədə fəaliyyətin stimullaşdırılmasını təmin etmək və sahibkarlığın
inkişafına maliyyə dəstəyi göstərməkdən ibarətdir”.
Sfera.az
bildirir ki, bu sözləri iqtisadçı-deputat Vüqar Bayramov deyib.
Millət
vəkilinin sözlərinə görə, apardığımız təhlillər və eləcə də rəsmi statistika
göstərir ki, hazırda sahibkarlar, xüsusilə də regionda fəaliyyət göstərən iş
adamları üçün kredit əldə etmək çətinliklərdən biridir:
"Belə
ki, Mərkəzi Bankın məlumatına görə, bankların kredit portfeli 15 milyard 206
milyon manatdır. Bu kreditlərin 11 milyard 890 milyon manatı yalnız Bakı şəhərində
təklif olunub. Bu o deməkdir ki, bankların təqdim etdiyi hər 100 manat kreditin
78 manatı Bakı şəhərinin, qalan 22 manatı isə digər qalan bütün ərazilərimizin
payına düşüb. Abşeron iqtisadi rayonunun sakinləri isə 574 milyon manat kredit əldə
edə biliblər. Abşeronun kredit portfelindəki payını nəzərə aldıqda regionların
kreditləşmədə payı daha da aşağı olur. Bu baxımdan, güzəşt mexanizminin təkmilləşdirilməsi
daxil olmaqla maliyyələşmədə yeni alətlərin tətbiqi vacibdir”.
V.
Bayramovun sözlərinə görə, Fondun Müşahidə Şurasının tərkibinin 5 dövlət
qurumunun nümayəndələri ilə formalaşdığını nəzərə alsaq sahibkarların kreditlərə
və xüsusilə güzəştli kreditlərə çıxış imkanlarının genişləndirilməsi üçün yeni
addımların atılması imkanları genişdir:
Turan
Rzayev