Daha bir ölkə koronavirusa qarşı dərman istehsal edəcək
Sağlıq
15:21 / 10.11.2021
993
Daha bir ölkədən koronavirus əleyhinə dərman istehsalı ilə bağlı ümidverici xəbər gəlib.
Sfera.az bildirir ki, Çində COVID-19-a qarşı hazırlanmış bəzi dərman və müalicə vasitələrinin klinik sınaqlarında uğurlu nəticələr əldə edilib. "China Daily” qəzetinin məlumatına görə, Pekin Genomika üzrə Qabaqcıl İnnovasiyalar Mərkəzinin direktoru Sunniy Şi koronavirusun bütün variantlarına qarşı tam təsirli bir antikor kəşf etdiklərini açıqlayıb. Onun sözlərinə görə, "DXP-604” adı verilən antikorun artıq ikinci mərhələ klinik sınaqlarına başlanılıb.
Sunniy Şi indiyə qədər 14 xəstə üzərində sınaqdan keçirilən dərmanın virus əlamətlərini aradan qaldırmaq istiqamətində müsbət nəticələrin müşahidə edildiyini deyib.
Digər tərəfdən Çin və ABŞ-da fəaliyyət göstərən "Brii Bionsciences” şirkəti də "BRII-96” və "BRII-198” adlı iki antikoru birləşdirən dərmanın təcili istifadəsi üçün ABŞ-ın Dərman və Qida İdarəsinə müraciət edib. Şirkət bildirib ki, Tsinghua Universiteti və Şinjin Üçüncü Xalq Xəstəxanası tərəfindən hazırlanan dərman üçün aparılan klinik sınaqların üçüncü mərhələsində COVID-19 xəstələrinin ölüm və xəstəxanaya yerləşdirilmə nisbətlərinin 78 faiz azaldığı müəyyən olunub.
Günay Rəsulqızı
Sfera.az
