Münasibətin başlanğıcında ideal tərəfdaş təsiri bağışlayan bəzi şəxslər zamanla partnyorlarını emosional manipulyasiya dövrünə sürükləyə bilər. Mütəxəssislərin fikrincə, bu davranışlar açıq narsistlə münasibətdə olduğunuzu göstərir və nəticədə şəxsin psixoloji sağlamlığının zərər görməsi mümkündür.

Sfera.az xarici mediaya istinadən xəbər verir ki, psixoloji araşdırmalara görə, açıq narsistlər (overt narcissist) zahirən mehriban, sosial və özünəinamlı görünür.

Lakin bu davranışların arxasında təsdiqlənmə ehtiyacı, nəzarət istəyi və empatiya çatışmazlığı gizlənir.

“Marriage.com” saytında dərc olunan materiala əsasən, belə şəxslərlə münasibətdə 9 xüsusiyyətə tez-tez rast gəlinir:

Diqqət mərkəzində olmaq arzusu – Olduqları hər mühitdə diqqəti üzərlərinə çəkməyə çalışırlar.
Daim təsdiq ehtiyacı – Görünüşləri və uğurları ilə bağlı daima tərif gözləyirlər.
Tənqidə dözümsüzlük – Hətta konstruktiv tənqidləri belə şəxsi hücum kimi qəbul edirlər.
Məsuliyyətdən yayınma – Münasibətdəki problemlərə görə qarşı tərəfi günahlandırırlar.
Duygusal uzaqlaşma – Emosional bağ qurulduqdan sonra uzaqlaşmağa başlayırlar.
Empatiya çatışmazlığı – Partnyorun hisslərinə səthi yanaşır, empati yalnız öz xeyirlərinə olduqda göstərilir.
Reallıqla sosial görüntü arasında fərq – Münasibət sosial mediada xoşbəxt görünə bilər, amma gerçəklik fərqlidir.
Tək tərəfli dəstək gözləntisi – Dəstək alırlar, lakin qarşılığını vermirlər.
Həqiqətləri təhrif etmək – Keçmiş hadisələri inkar etmək, fərqli təqdim etmək kimi manipulyativ davranışlar sərgiləyə bilərlər.

Mütəxəssislər xəbərdarlıq edir ki, bu cür münasibətlər uzunmüddətli dövrdə şəxsin özünəinamını və emosional sağlamlığını ciddi şəkildə zədələyə bilər. Belə hallarda psixoloji dəstək almaq və münasibəti yenidən qiymətləndirmək tövsiyə olunur.

Bəsti Rəfizadə
Sfera.az

Partnyorunuzda bu xüsusiyyətlər varsa, o, narsistdir