21 sərnişinin olduğu hava şarı səmada alovlandı:8 nəfər havada yanaraq öldü - VİDEO

Braziliyada isti hava şarı səmada alovlanaraq qəzaya uğrayıb. Azı səkkiz nəfər ölüb, 13 nəfər sağ qalıb.
 

Sfera.az bildirir ki, qəza Santa Katarina əyalətinin ən cənubunda, Braziliyanın Kapadokiyası (Türkiyə) kimi tanınan və isti hava şarları üçün kurort yer kimi tanınan bölgədə baş verib.
 

Qəzanın səbəbləri hələ müəyyən edilməyib, bölgəyə səfərbər olunmuş qruplar hadisə yerində xilasetmə işlərini davam etdirir. Sağ qalanların səhhəti ilə bağlı hələlik məlumat yoxdur.
 

Santa Katarina qubernatoru Jorginho Mello sosial şəbəkələrdə 8 nəfərin öldüyünü, daha 13 nəfərin sağ qaldığını bildirib.
 

Sosial şəbəkələrdə yayılan fotolarda şarın alovlanaraq yerə çırpıldığı an əks olunub. Hava şarının uçuşu Santa Katarinanın ucqar cənubunda yerləşən Praia Qrandedə baş tutub. Bu yer "Kanyonların Paytaxtı" və həmçinin "Şarların Paytaxtı" kimi tanınır.
 

Qeyd edək ki, bu, Braziliyada bir həftədən az müddətdə isti hava balonu ilə bağlı ikinci ciddi qəzadır. Ötən çərşənbə axşamı Sao Paulonun hinterlandında, Boituvada daha bir isti hava şarının qəzası nəticəsində bir qadın ölüb, 11 nəfər yaralanıb.

Aysel